Tuner 2026

Tuner (2026) ကားဟာ Navalny အစီအစဉ်ရုပ်ရှင်နဲ့ အော်စကာဆုရထားတဲ့ ဒါရိုက်တာ Daniel Roher ရဲ့ ပထမဆုံး ပုံဖော်ဖန်တီးလိုက်တဲ့ ဇာတ်လမ်းရုပ်ရှင် (Narrative Feature Debut) ဖြစ်ပြီး ၂၀၂၆ ခုနှစ် မေလမှာ အမေရိကန်ပြည်ထောင်စုမှာ ရုံတင်ပြသခဲ့တဲ့ ရာဇဝတ်မှု၊ အသည်းယားဖွယ် ဒရမ်မာ (Crime-Thriller/Drama) ရုပ်ရှင်ကားကောင်းတစ်ကား ဖြစ်ပါတယ်။
​မင်းသားသစ် Leo Woodall နဲ့အတူ ဝါရင့်မင်းသားကြီး Dustin Hoffman၊ မင်းသမီး Havana Rose Liu နဲ့ Jean Reno တို့ အဓိကပါဝင်အားဖြည့်ထားတဲ့ ဒီကားရဲ့ ဇာတ်လမ်းအကျဉ်းကို အောက်မှာ ဖတ်ရှုနိုင်ပါတယ်။
​ဇာတ်လမ်းအကျဉ်း (Plot Summary)
​ဇာတ်လမ်းရဲ့ အဓိကဇာတ်ကောင် Niki White (Leo Woodall) ဟာ အသံတွေကို အလွန်အမင်း အထိခိုက်မခံနိုင်တဲ့ နားရောဂါတစ်မျိုး (Hyperacusis) ခံစားနေရပေမဲ့ အဲဒီအားနည်းချက်ကပဲ သူ့ကို သာမန်ထက်ထူးကဲတဲ့ အသံအာရုံခံစားနိုင်စွမ်း (Perfect Pitch) ကို ပေးစွမ်းထားပါတယ်။ သူဟာ ဂီတလောကကနေ အနားယူခဲ့ရပြီးနောက် နယူးယောက်မြို့မှာ သူ့အဖေရဲ့ သူငယ်ချင်းဟောင်းဖြစ်သူ ဝါရင့်စန္ဒရားပြင်ဆရာကြီး Harry Horowitz (Dustin Hoffman) ဆီမှာ စန္ဒရားအသံညှိတဲ့ ပညာ (Piano Tuner) ကို သင်ယူရင်း အလုပ်လုပ်ကိုင်နေပါတယ်။
​တစ်ရက်မှာ ဆရာကြီး Harry က အသက်ကြီးလို့ သူ့အိမ်က မီးခံသေတ္တာရဲ့ လျှို့ဝှက်နံပါတ် (Combination) ကို မေ့သွားခဲ့တဲ့အခါ၊ Niki ဟာ သူ့ရဲ့ ထူးခြားတဲ့ နားအာရုံကို သုံးပြီး မီးခံသေတ္တာကို အလွယ်တကူ လှည့်ဖွင့် (Safecracking) ပေးနိုင်ခဲ့ပါတယ်။ ဒီလိုနဲ့ သူဟာ စန္ဒရားညှိတဲ့အလုပ်အပြင် မီးခံသေတ္တာဖွင့်တဲ့ ကုန်းကောက်စရာ ပညာရပ်တစ်ခုကိုပါ တတ်မြောက်သွားခဲ့ပါတယ်။
​နောက်ပိုင်းမှာ သူဟာ ချမ်းသာတဲ့ အိမ်တစ်အိမ်မှာ စန္ဒရားသွားညှိပေးရင်း အဲဒီအိမ်က မီးခံသေတ္တာကို ခိုးဖွင့်ဖို့ ကြိုးစားနေတဲ့ Uri (Lior Raz) ဦးဆောင်တဲ့ အစ္စရေးလူမိုက်ဂိုဏ်းနဲ့ ထိပ်တိုက်တိုးပါတော့တယ်။ သူတို့ရဲ့ဆူညံသံကို စိတ်ပျက်လို့ Niki ကပဲ မီးခံသေတ္တာကို အချိန်တိုအတွင်း ခိုးဖွင့်ပေးလိုက်ရာကနေ လူမိုက်တွေရဲ့ မျက်စိကျခြင်းကို ခံလိုက်ရပါတယ်။ ဆရာဖြစ်သူ Harry နှလုံးရောဂါနဲ့ ဆေးရုံတက်ရပြီး ဆေးကုသစရိတ်တွေ အကြွေးနွံနစ်လာတဲ့အခါ Niki ဟာ ငွေလိုလို့ Uri ရဲ့ ဂိုဏ်းနဲ့ပူးပေါင်းပြီး ဥပဒေပြင်ပက မီးခံသေတ္တာခိုးဖွင့်ပေးတဲ့ လျှို့ဝှက်ရာဇဝတ်မှုလောကထဲကို ခြေစုံပစ်ဝင်ဖို့ ဆုံးဖြတ်လိုက်ပါတော့တယ်။ ဒီအလုပ်က သူ စတင်တွဲဖူးခါစ ချစ်သူကောင်မလေး Ruthie (Havana Rose Liu) နဲ့ ဆက်ဆံရေးကိုပါ အန္တရာယ်ဖြစ်စေပြီး သွေးထွက်သံယို မြောက်မြားစွာကြား ထိတ်လန့်စရာ ကောင်းလာတဲ့အခါ...။