Bitter Gold 2025

"Bitter Gold" (မူရင်းအမည်: Oro amargo) ဟာ ချီလီနိုင်ငံရဲ့ အတားခါးမ သဲကန္တာရ (Atacama Desert) ကို နောက်ခံထားပြီး ရိုက်ကူးထားတဲ့ သဲထိတ်ရင်ဖို Neo-Western Drama ရုပ်ရှင်ဇာတ်ကားကောင်း တစ်ကားဖြစ်ပါတယ်။
​ဒါရိုက်တာ Juan Francisco Olea က ရိုက်ကူးထားပြီး မင်းသမီးသစ် Katalina Sánchez နဲ့ ဝါရင့်မင်းသားကြီး Francisco Melo တို့ အဓိက ပါဝင်သရုပ်ဆောင်ထားပါတယ်။
​ဇာတ်လမ်းအကျဉ်း
​အသက် ၁၆ နှစ်အရွယ် မိန်းကလေး Carola ဟာ သူမရဲ့အဖေ Pacífico နဲ့အတူ အတားခါးမ သဲကန္တာရထဲက တရားမဝင် ကြေးနီတူးဖော်တဲ့ အလုပ်စခန်းသေးသေးလေးမှာ အလုပ်သမားတစ်စုနဲ့အတူ အလုပ်လုပ်ကြသူတွေ ဖြစ်ကြပါတယ်။
​ဒါပေမဲ့ သူတို့သားအဖနှစ်ယောက်မှာ ဘယ်သူမှမသိတဲ့ လျှို့ဝှက်ချက်တစ်ခု ရှိနေခဲ့ပါတယ်။ အဲဒါကတော့ သူတို့တူးဖော်နေတဲ့ ကြေးနီတွင်းရဲ့ အောက်ခြေမှာ အဖိုးတန် ရွှေကြော (Gold Vein) တစ်ခုကို တွေ့ရှိထားတာပါပဲ။
​တစ်နေ့မှာတော့ ဒီလျှို့ဝှက်ချက်ကို ရိပ်မိသွားတဲ့ ရန်သူ့ဘက်က မိုင်းလုပ်သားတစ်ဦးနဲ့ ခိုက်ရန်ဖြစ်ပွားရင်း အဖေဖြစ်သူ Pacífico ဟာ ပြင်းထန်စွာ ဒဏ်ရာရသွားခဲ့ပါတယ်။ အဖေဖြစ်သူ အလုပ်မလုပ်နိုင်တော့တဲ့အခါ ကန္တာရထဲက ယောက်ျားကြီးတွေချည်းပဲရှိတဲ့ ကြမ်းတမ်းတဲ့ သတ္တုတွင်းစခန်းကို ၁၆ နှစ်အရွယ် Carola က ဦးဆောင်ဖို့ အကြောင်းဖန်လာပါတယ်။ ရွှေကို လောဘတက်ပြီး လုယူချင်နေကြတဲ့ ရန်သူတွေ၊ သစ္စာဖောက်ချင်နေကြတဲ့ အလုပ်သမားတွေနဲ့ အကြမ်းဖက်မှုတွေကြားထဲမှာ Carola တစ်ယောက် သူမရဲ့ အသက်နဲ့ အဖေရဲ့ လျှို့ဝှက်ချက်ကို ဘယ်လိုကာကွယ်သွားမလဲဆိုတာ ရင်သပ်ရှုမော ကြည့်ရှုရမှာ ဖြစ်ပါတယ်။